Nimaga bizga `Trashiston` muhim?
Orzklv, Asoschi / Yetakchi tomonidan
Kirish
Avvalgi maqolamizda ta’kidlanganidek, asosiy vazifalarimizdan biri o‘zbek internet segmenti va dasturchilar hamjamiyatida taniqli shaxslar yoki texnoblogerlar tomonidan e’lon qilingan noto‘g‘ri, asossiz yoki noaniq ma’lumotlarni imkon qadar kamaytirish yoki butunlay yo‘q qilishdir. Biroq, bu vazifani amalga oshirish uchun, avvalo, noto‘g‘ri axborot tarqalishining sabablarini aniqlab, uni oldini olish choralarini belgilab olish zarur. Shuningdek, mazkur manbalar mualliflarini asosli va konstruktiv tanqid qilish muhim hisoblanadi, aks holda faoliyatimiz asossiz nafratdan («sababsiz hate») farq qilmay qoladi. Shu sababli biz "Trashiston" loyihasini ishga tushirdik hamda ushbu loyihaga yetarli tajribaga ega bo‘lgan mutaxassislarni jalb etdik.
Jarayon
Ushbu loyiha doirasidagi ish jarayonlari hozirda asosiy repozitoriyada "PROPOSAL.md" faylida aks ettirilgan bo‘lib, kelgusida bu jarayonlar rasmiy RFC standartlarimiz orqali tasdiqlanadi. Loyihaning asosiy yo‘nalishi sifatida, avvalambor, ochiq manbalarda mualliflar tomonidan o‘z xohishlari bilan joylangan materiallarga e’tibor qaratiladi. Chunki pullik manbalar bilan bog‘liq muammolarni yechish avvalo xaridorning shaxsiy mas’uliyatiga bog‘liq va bu kabi materiallarga erishish imkoniyatlari cheklangan bo‘lishi mumkin.
Muhim!
Yaqinda bizning birinchi maqolamiz e’lon qilindi va barcha qiziqqanlarni ushbu material bilan tanishib chiqishga taklif qilamiz.
Kunning oxirida
Ishonchimiz komilki, aynan mana shu yondashuv orqali yosh mutaxassislar va kelajak avlod vakillarida to‘g‘ri hamda noto‘g‘ri amaliyotlarni bir-biridan farqlash, ularni asosli tanqid qilish va kerakli savollarni berish ko‘nikmalarini shakllantirishga erishamiz.